Na ndiqni në:

Doli nga shtypi numri i katërt i periodikut “Kosovo’s New Diplomat”

Prishtinë, 8 maj 2012 - Ministria e Punëve të Jashtme e Republikës së Kosovës, ka botuar numrin e katërt të periodikut dymujor, “Kosovo’s New Diplomat”.

Në këtë numër trajtohen tema, ngjarje dhe zhvillime të rëndësishme në politikën e jashtme të Kosovës, si dhe janë pasqyruar qëndrime të bartësve të diplomacisë kosovare dhe ambasadorëve e personaliteteve të ndryshme botërore rreth Kosovës.

Në këtë numër të “Kosovo’s New Diplomat” mund të lexoni :
 
-    Të gjithë sytë mbi sportin dhe kulturën e Kosovës,
-    Kolumne e Kryeministrit Hashim Thaçi me titull: “Vonesat e Bashkimit Evropian mund të pengojnë progresin në Ballkan”
-    Pesë pyetje për Ambasadorin Christopher Dell: “SHBA-të dhe Kosova gëzojnë një marrëdhënie të jashtëzakonshme”,
-    Prezantimi i botimit të ri me titull “Kosovo Calling”, (Kosova Thërret) i përgatitur nga ekspertë dhe përfaqësues të pesë vendeve të BE-së dhe dy vendeve të rajonit që ende nuk e ka kanë njohur Kosovën,
-    Një reportazh nga 30 liqenet artificiale të Blinajës me titull “Oaza e Gjelbër”.
-    Shkrime për Majlinda Kelmendin në “Londra 2012” dhe sukseset e vazhdueshme të Rita Orës në muzikën botërore,
-    Lajme të ndryshme rreth zhvillimeve dhe aktiviteteve në diplomacinë kosovare, si dhe prezantime të tjera nga fusha ekonomike dhe kulturore në Kosovë.

Buletini dymujor “Kosovo's New Diplomat” është një kanal i ri i komunikimit të rregullt ndërmjet MPJ-së dhe qytetarëve të huaj që kontaktojnë ambasadat dhe konsullatat e Republikës së Kosovës, si dhe mysafirët e Ministrisë.

Buletini botohet vetëm në gjuhën angleze, fillimisht në tetë faqe, dhe është prezent në tri formate, si fletushkë e shtypur, PDF format dhe në ueb faqen e MPJ-së.

“Kosovo's New Diplomat” është iniciuar fillimisht si pjesë e projektit “KS TALKS EU” të Këshillit Britanik, të përkrahur nga MPJ dhe Ambasada e Mbretërisë së Bashkuar.

Ministri i Jashtëm Pacolli priti homologun maqedonas Dimitrov, marrëdhëniet në mes dy vendeve shembull i bashkëpunimit në rajon Drejtori i Përgjithshëm, Albert Prenkaj takoi deputetin nga Australia, Chris CrewtherKosova do të bëhet me status të anëtarit asociues në Organizatën e FrankofonisëZëvendësministri Hoti priti në takim sekretarin e Shoqatës Shqiptaro-Amerikane, Mahmuti Skënderi