Na ndiqni në:

SHBA-të dhe Kosova do të forcojnë marrëdhëniet bilaterale

Prishtinë, 19 prill 2012 – Ministri i Punëve të Jashtme i Republikës së Kosovës, Enver Hoxhaj, priti sot në takim ambasadorin e Shteteve të Bashkuara të Amerikës, Christopher Dell.

Ministri Hoxhaj ka falënderuar ambasadorin Dell për përkrahjen e fuqishme të SHBA-ve për Kosovën në të gjitha fushat, përkrahje e cila po vazhdon fuqishëm në këtë fazë të zhvillimeve për Kosovën në aspektin e brendshëm dhe në drejtim të forcimit të subjektivitet ndërkombëtar të Republikës së Kosovës.

Ministri Hoxhaj dhe ambasadori Dell diskutuan për marrëdhëniet bilaterale mes dy shteteve.

Hoxhaj dhe Dell u pajtuan për vullnetin e dyanshëm për forcimin e mëtutjeshëm të këtyre marrëdhënieve, me theks të veçantë në forcimin e bashkëpunimit ekonomik.

Në takim u diskutua edhe për organizmin e tre konferencave ekonomike nga Kosova në Nju-Jork, Kolorado dhe Kaliforni.

Hoxhaj ka bërë të ditur se Ministria e Punëve të Jashtme gjatë këtij muaji do të fokusohet në promovimin e Strategjisë për Diplomaci Ekonomike që është hartuar në bashkëpunim me ekspertë të USAID-it dhe e cila pritet të ketë rezultate të rëndësishme në promovimin e resurseve ekonomike të Kosovës.

Ministri Hoxhaj dhe ambasadori Dell kanë biseduar edhe për proceset integruese të Kosovës në strukturat euroatlantike, për progresin, sfidat dhe perspektivat integruese të Kosovës në Bashkimin Evropian dhe NATO.

Hoxhaj dhe Dell po ashtu kanë biseduar për mundësitë e lidhjes së disa marrëveshjeve bilaterale ndërmjet Kosovës dhe SHBA-ve, përmes të cilave do të konkretizohet forcimi i bashkëpunimit në shumë fusha ndërmjet dy shteteve.
 

Zëvendësministrin Dedaj ka pritur në takim stërnipin e Gjergj Kastriotit-Skënderbeut, Loris CastriotiMinistri i Jashtëm Pacolli takohet me Ministren për Punë të Jashtme të Principatës së Lihtenshtajnit, vullnet i dyanshëm për thellimin e bashkëpunimitMINISTRI I JASHTËM PACOLLI PRITET NGA HOMOLOGU ZVICERAN, CASSIS, KOSOVA DHE ZVICRA RI-KONFIRMOJNË MARRËDHËNIET E VEÇANTAMinistri i Jashtëm Pacolli vizitë zyrtare në Austri, kërkon mbështetje për liberalizimin e vizave dhe anëtarësim në Organizata Ndërkombëtare