Na ndiqni në:

Ministri Skender Hyseni udhëtoi drejt Nju-Jorkut

Ministri i Punëve të Jashtme të Kosovës, Skender Hyseni, udhëtoi sot drejt Nju-Jorkut, ku do të jetë i pranishëm në mbledhjen e radhës së Këshillit të Sigurimit, e cila do të mbahet më 11 nëntor.

Prishtinë, 09 nëntor 2008

Mbledhja e Këshillit të Sigurimit është mbledhje periodike në të cilën raportohet për Kosovën. Formati i mbledhjes së 11 nëntorit ende nuk është bërë publik, ashtu sikurse nuk dihet ende nëse përpos raportit të UNMIK-ut për Kosovën, do të ketë apo jo fjalë të tjera.

Nëse formati zyrtar i mbledhjes e lejon këtë, ministri Hyseni është i gatshëm të marrë fjalën në këtë mbledhje. Fjala e tij do të përqëndrohet kryesisht në zhvillimet dhe progresin e Kosovës në të gjitha fushat, në periudhën mes dy mbledhjeve të fundit të Këshillit të Sigurimit.


Mbledhja e kaluar është mbajtur më 25 korrik dhe ministri Hyseni ka pasur të drejtën e fjalës. 

Ministri i Jashtëm Pacolli: Kosova dhe Mbretëria e Bashkuar do të bashkëpunojnë ngushtë në adresimin e dhunës seksuale gjatë luftës në KosovëMinistri i Jashtëm Pacolli: Rekomandimi pozitiv për liberalizimin e vizave një moment i rëndësishëm historik për vendin dhe qytetarëtAmbasadori Beqë Cufaj dorëzoi Kredencialet tek Presidenti i Gjermanisë Frank-Walter SteinmeierZëvendësministri i Jashtëm Gjergj Deda vizitë zyrtare në Itali, kërkon thëllimin e bashkëpunimit mes dy vendeve