Na ndiqni në:

Dilan Demolli 14 vjeçari nga Kosova nënshkruan kontratë për Sionin

Prishtinë, 27 prill 2016 – Super talenti kosovar me pasaportë zvicerane, 14 vjeçari Dilan Demolli ka nënshkruar kontratë njëvjeçare me klubin e zviceran, FC Sion.

Demolli është përzgjedhur në mesin e 70 konkurrentëve për të luajtur në sezonin 2016-2017, për 14 vjeçarët e ekipit të njohur nga elita e futbollit zviceran, FC Sion. “Drejtuesit e FC Sionit janë ndarë të kënaqur me atë që kanë parë tek Dilani dhe besojnë se ai do të zhvillohet në një lojtar të kalibrit botëror. Mes cilësive të Dilanit vlerësohet loja e tij me dy këmbët, shpejtësia, që e bënë atë pothuajse të pakapshëm për rivalët, sulmues në dy krahët dhe një mesfushorë avansues, aftësi këto për të sulmuar hapësirat dhe për të shërbyer shokët në zonën kundërshtare”, tha për OI, Hajdin Demolli, babai i talentit të ri, me prejardhje nga Kamenica. Deri sa Dilan Demolli të bëhet 16 vjeçar, ai e ka të pamundur të nënshkruajë një kontratë permanente, pasi rregullat e FIFA-s në blerjen e lojtarëve të rinj janë shumë strikte dhe derminante. “Dilani tani ka kontratë të luaj në sezonin 2016-2017 për FC Sionin. Nëse vazhdon të punoj siç ka punuar deri më tani ai nuk do të ketë probleme me vazhdimin e kontratave profesionale. Problem për të mund të jetë vetëm përzgjedhja e ekipit”, thotë babai i Dilan Demollit. Gjatë sezonit të kaluar, Demolli ishte aktiv në skuadrën Team AVF të Regjioni të Sierrës ku mesatarisht shënoi dy gola për ndeshje në ekipin U13. Nga trajnerët e deritashëm, Dilani është vlerësuar si një Gonzalo Higuaín i ri. Skuadra e tij e re, FC Sion, në kampionatin e elitës zvicerane, radhitet në vendin e katërt.

Burimi: http://bit.ly/1MYuA8Y

Elbenita Kajtazi-Halimi impresionon kritikën gjermane me rolin e GretelësPesë filma të Kosovës janë prezantuar para selektorëve të Berlinales“Martesa” drejt Estonisë me ekip prej gjashtë vetashKosova ngrihet për nëntë pozita në ranglistën e FIFA-s